| Hong Kong -> Munich -> Lisbon 雙牙之旅正式展開！夜機由香港飛慕尼黑，苦等五小時再轉機到里斯本，但對兩個hae精黎講實在不算什麼，仲有o係同機上認識o既兩岸三地旅客，五個鐘話咁快就過！ 慕尼黑機場Terminal 2俾Lufhansa包晒咁，有咖啡或茶任飲，係hae等機時間o既佳品。  
在機上認識的兩岸三地過客，但係大家o既目的地都唔同。
十幾個鐘頭長征，終於到達第一站：葡萄牙首都里斯本！一落機就要等行李出黎，等成半個鐘條行李帶先郁，到離開機場已經要花上一個鐘了。 拎住大包細包，當然要先搵地方落腳。酒店一早book好了Hotel Principe，同Metro距離不算太遠，但我地搭o既Aerobus (91號線)要o係一個較遠o既地方落，加上唔熟路，都搵左一段時間。 稍作安頓之後，正式出發！第一站，坐Metro到商業廣場 (Praça do Comércio)，一出Metro已經見到海！好似好少可以o係歐洲見到咁大個海喎，不愧為航海之國！ 海呀！o係歐洲少見o既海！仲見到對岸o既耶穌像 (o係紅綠燈左面果個好高o既柱)。 
身後係商業廣場，理論上應該係一個廣場，但今日竟然只見圍板 (失望…)
  
下一站上山參觀St. George’s Castle。本來諗住行上去，但最後都係決定搭電車上。
雖然話係有軌電車，但上山o既路一樣係迂迴曲折多急彎，好似坐緊飛越太空山。 去到總站，發現搭過左站，俾電車司機老點唔知行左去邊，但都有得著o既。  
個天同個海都係差唔多色。 一位老伯從容不迫地展開摺櫈，拿出結他，對著海自彈自唱，賺不賺到錢都不重要了。 
幾經辛苦，又上斜又落斜，再問問路人，先搵到St. George’s Castle o既入口。 城堡外一個男廁，其實只係一塊鐵板加一個坑渠口。 
成功以「學生」身份混入，下次可以諗諗點可以扮Lisbon居民，因為係免費的。 
城堡前園有幾隻孔雀坐o係圍牆上，孔雀係咪真係識飛呢？又係一個謎。  
經過前園，終於正式黎到城堡正門。正門有一檔賣手工藝的，也有擺檔幫人畫畫的。 
再行入一點就見到一個賣藝人，身穿黑袍。口中吹著笛子，腳上綁著一串銅鈴，一邊吹一邊打著拍子。 
Castle由一段段城牆圍起來，參觀Castle其實都係一個體能大挑戰，特別係我地剛剛經歷十多個鐘o既長途機，行上一段又一段城牆，累到影相都冇乜表情，勁勉強。  
有兩位靚女仲要擒上呢個位影，靚女真係唔同d。 
位處山上o既城堡，當然可以一眺Lisbon全景啦。 
城堡前園仲有一個博物館，展出城堡附近掘到o既文物，感覺有點似大三巴博物館。  
 
城堡外，一個婆婆伸頭出窗，望著城堡內絡繹不絕o既遊人。
 行完城堡，天色漸暗，我地o係城堡門口搭37巴士落山，總站係一個廣場。  
晚飯時間，為左搵食，我地行過不下廿間餐廳。途中，無意中經過Lisbon另一景點，電視塔Santa Justa's Elevator。 
黎到葡萄牙，我同你講話冇葡撻都係呃你啦。不過第一日我地未食住，忍一忍先。 
終於搵到一間感覺比較地道的餐廳，一坐低就有羊奶芝士食喇。行到口渴，當然要叫Sangria飲返杯！ 
仲有主菜豬肉串燒同馬介休炒蛋，串燒出奇地冇想像中咁dry，反而馬介休炒蛋有d食唔慣。  
第一日完。 下集預告：Sintra的卡通城堡、向「最西」出發！ | 
